Сыныптар толды дауыспен

Оқушыға толды мекен

Білім күні құтты болсын

Армандарға толы екен

1-қыркүйек - Білім күні мерекесі «Мектебім мейірім мекені » атты салтанатты жиыны Жамбыл жалпы орта білім беретін мектебінде өтті. Салтанатты іс-шараның мақсаты: білім алушылардың білімге, патриотизмге, еңбексүйгіштікке, жауапкершілік пен өзара сыйластыққа деген ұмтылысын қалыптастыруға ықпал ететін мерекелік және шабыттандыратын атмосфера құру, сондай-ақ жаңа оқу жылының салтанатты ашылуы. Салтанатты жиын әнұранды орындаудан басталды. Мерекені мектеп директоры Кенжегузина Самал Салимовна ашты. Ол оқушыларды мерекелік сөзбен қарсы алып, алдағы оқу жылында табыс тіледі. Салтанатты жиынның құрметті қонағы ардагер ұстаз Ильясова Мағрипа Ильясовна балаларды құттықтап, шашу шашты. Жамбыл селолық округінің бас маманы Ильясова Жанбота Сағындыққызы жылы лебізін білдіріп 1 сынып оқушыларына кеңсе тауарларын табыстады. Жаңа оқу жылы жемісті болсын.